Хрэнін раскажа губернатарам і абласным камісарам, як правільна бараніць гарады і вёскі
Сёння пад кіраўніцтвам міністра абароны Віктара Хрэніна адбудзецца штогадовы збор «Ваенная бяспека і абарона дзяржавы». Удзельнікі збору — старшыні абласных і Мінскага гарвыканкама, ваенныя камісары абласцей і Мінска.
26.05.2023 / 09:35
Віктар Хрэнін. Фота: БелТА
Мэта збору — павышэнне ўзроўню ведаў удзельнікаў у пытаннях сумесных дзеянняў войскаў у сучасных узброеных канфліктах, удасканаленне навыкаў у дзеяннях са зброяй, паведамляе Мінабароны ў сваім тэлеграм-канале.
У ходзе збору прадугледжана:
— давесці асноўныя тэндэнцыі развіцця ваенна-палітычнага становішча вакол Рэспублікі Беларусь;
— азнаёміць удзельнікаў з асноўнымі і перспектыўнымі сродкамі кіравання і разведкі, якія стаяць на ўзбраенні Узброеных сіл і тэрытарыяльных войскаў;
— навучыць службовых асоб парадку арганізацыі і вядзення абароны населеных пунктаў з апорай на падрыхтаваныя ўмацаваныя раёны, а таксама парадку кіравання сіламі тэрытарыяльнай абароны ў ходзе выканання задач па выяўленні, блакаванні і знішчэнні дыверсійных сіл праціўніка.
Чытайце таксама:
Хрэнін: Захад спрабуе патапіць у крыві славянскае адзінства
З'явілася ВІДЭА «Лініі Хрэніна»
«Мы цалкам перагледзелі праграму падрыхтоўкі рэзервістаў» — камандуючы сіламі спецаперацый