Alejnik abmierkavaŭ ź Jozičam Budsłaŭski fest
22 maja ŭ Ministerstvie zamiežnych spraŭ adbyłasia sustreča apostalskaha nuncyja arcybiskupa Ante Joziča ź ministram zamiežnych spraŭ Siarhiejem Alejnikam.
25.05.2023 / 13:50
Ante Jozič i Siarhiej Alejnik. Fota: MZS Biełarusi
Padčas sustrečy byli abmierkavanyja pytańni supracoŭnictva pamiž Respublikaj Biełaruś i Śviatym Pasadam. Asobnaja ŭvaha ŭdzielena tematycy mižkanfiesijnaha dyjałohu, paviedamlaje catholic.by.
Adbyŭsia abmien dumkami adnosna situacyi ŭ rehijonie. Adznačajecca, što ŭ razmovie było pacvierdžana imknieńnie da praciahu aktyŭnaha supracoŭnictva ŭ roznych śfierach i adkrytaha ŭzajemapavažlivaha dyjałoha pa pytańniach, jakija ŭjaŭlajuć uzajemny intares.
Nuncyj Jozič painfarmavaŭ Catholic.by, što padčas sustrečy ź ministram Alejnikam, u pryvatnaści, byli abmierkavany sioletnija ŭračystaści ŭ Nacyjanalnym sanktuaryi Maci Božaj Budsłaŭskaj, na jakija prybudzie śpiecyjalny pasłańnik Papy Franciška arcybiskup Kłaŭdya Hudžeroćci, prefiekt Dykasteryi pa spravach Uschodnich Kaściołaŭ.
Z prahramaj Budsłaŭskaha festa možna aznajomicca tut.