Ministr abarony Armienii nie prylacieŭ u Minsk na sustreču ministraŭ abarony ADKB
Ministr abarony Armienii Suren Papikian nie adpraviŭsia ŭ Minsk, dzie siońnia adbyvajecca pasiadžeńnie Rady kiraŭnikoŭ Minabarony ADKB.
25.05.2023 / 10:44
Jak paviedamili «Interfaksu» ŭ pres-słužbie vajskovaha viedamstva Armienii, u apošnija dni Papikian pravioŭ niekalki mižnarodnych sustreč: 22 maja jon pryniaŭ delehacyju pradstaŭnikoŭ Ministerstva abarony ZŠA, abmierkavaŭšy ź imi dvuchbakovaje supracoŭnictva i rehijanalnuju biaśpieku, a 24 maja pryniaŭ pasła Francyi an Łujo.
Raniej premjer-ministr Nikoł Pašynian zajaviŭ, što «ADKB sychodzić z Armienii», a taksama abvinavaciŭ rasijskich miratvorcaŭ u tym, što jany nie vykonvajuć abaviazacielstvaŭ pa kantroli Łačynskaha kalidora ŭ Nahorny Karabach, jaki, pavodle jaho słoŭ, błakujuć azierbajdžanskija siły.
22 sakavika stała viadoma, što Armienija hatovaja pryznać Nahorny Karabach častkaj Azierbajdžana.
U ADKB uvachodziać Rasija, Biełaruś, Kazachstan, Kyrhyzstan, Armienija i Tadžykistan.
Čytajcie taksama: