Pilipa Šaŭrova zatrymali ŭ Varšavie. Jon pahražaŭ zabojstvam
Biełarusa Pilipa Šaŭrova, jaki nie raz adznačyŭsia sprečnymi ŭčynkami, zatrymali ŭ Varšavie. Ciapier jon na voli, ale čakaje suda pa niekalkich artykułach.
24.05.2023 / 12:42
Pilip Šaŭroŭ. Fota z sacsietak
Jamu inkryminujecca pahroza zabojstvam, piša «Jeŭraradyjo».
Taksama Šaŭrovu zabaroniena nabližacca da Biełaruskaha chaba ŭ Varšavie i da asoby, jakuju jon pahražaŭ zarezać. Mienavita pobač z chabam Šaŭrova zatrymali 21 maja, kali tam prachodziŭ mitynh salidarnaści z palitviaźniami.
U varšaŭskaj palicyi pacvierdzili fakt zatrymańnia, ale abvierhli, što ŭ Šaŭrova pry sabie byŭ nož.
Pilip Šaŭroŭ staŭ viadomy ŭ studzieni 2020 hoda, kali pafarbavaŭ u čyrvony koler dałoni pomnika Puškinu ŭ Minsku. Jaho zatrymali i prymusili na kamieru nahavaryć pra praciŭnikaŭ Łukašenki.
Nieŭzabavie Šaŭroŭ apynuŭsia za miažoj. Ciapier jon krytykuje prychilnikaŭ Śviatłany Cichanoŭskaj u sacsietkach i pravakuje ŭdzielnikaŭ akcyj, jakija jany ładziać.
Čytajcie taksama: