Mbape choča syści z PSŽ. Kłub nie budzie brać za jaho hrošy
Forvard PSŽ Kiłijan Mbape vyrašyŭ nie aktyvavać opcyju aŭtamatyčnaha praciahu kantraktu z paryžskim kłubam jašče na adzin siezon, paviedamlaje L'Equipe.
24.05.2023 / 11:40
Kiłijan Mbape staŭ najlepšym bambardziram čempijanatu śvietu — 2022. Jon zabiŭ 8 miačoŭ, pryčym zrabiŭ chiet-tryk u finale. Fota: Fota: Natacha Pisarenko / AP
Pryčym kłub nie budzie pradavać hulca. Raniej u Mbape była mahčymaść padoŭžyć kantrakt z PSŽ na siezon-2024/2025, adnak jon admoviŭsia ad hetaj mahčymaści. Hulec, tranśfierny košt jakoha składaje 180 miljonaŭ jeŭra, stanie svabodnym ahientam.
24-hadovy Kiłijan zhulaŭ za «PSŽ» 41 matč va ŭsich turnirach u hetym siezonie, zabiŭšy 40 miačoŭ i zrabiŭšy dzieviać vynikovych pieradač.
Raniej Mbape aktyŭna svatali ŭ madrydski «Reał».
PSŽ, zdajecca, znajšoŭ zamienu Łijanelu Miesi
Kryšcijanu Ranałdu moža daterminova pakinuć Saudaŭskuju Araviju i viarnucca ŭ Jeŭropu