Biełhidramiet bje tryvohu: Vierchni słoj hleby mocna vysušany
Pryčyna — poŭnaja adsutnaść daždžoŭ.
24.05.2023 / 10:18
Archiŭnaje fota: «Naša Niva»
Vierchni płast hleby na bolšaj častcy terytoryi Biełarusi ŭvilhotnieny słaba, paviedamlaje BiełTA.
«Pavodle apošnich nazirańniaŭ, na bolšaj častcy terytoryi Biełarusi vierchni płast hleby słaba ŭvilhotnieny, u šerahu rajonaŭ całkam vysušany.
Dobraje ŭvilhatnieńnie hleby na hłybini 10 sm adznačajecca pieravažna ŭ Bresckaj vobłaści.
Ci buduć daždžy ŭ najbližejšyja dni, niajasna. Učora Biełhidramiet paabiacaŭ karotkačasovyja daždžy miescami pa krainie na čacvier i piatnicu. Ale zaraz papularny resurs gismeteo.by pakazvaje, što pieršy doždž budzie tolki praz tydzień, 30 maja.
Amal całkam u Minskaj, Viciebskaj. Mahiloŭskaj i Homielskaj abłaściach (za vyniatkam redkich rajonaŭ) uviedziena poŭnaja zabarona na naviedvańnie lasoŭ. U Hrodzienskaj i Bresckaj uviedzienyja abmiežavańni.