Na Mahiloŭščynie vyjavili padpolny miasakambinat

Padpolny miasakambinat likvidavała milicyja ŭ Mahiloŭskim rajonie. Jak paviedamlajuć u MUS, 38-hadovy pradprymalnik pieraabstalavaŭ u cech pa pierapracoŭcy miasa svoj pryvatny dom.

23.05.2023 / 17:10

Kadr ź videa

Žyviołu mužčyna kuplaŭ za najaŭnyja hrošy ŭ tych, chto zajmajecca jaje skupkaj u sielhasarhanizacyjach Mahiloŭskaj i Viciebskaj abłaściej, a taksama ŭ fizičnych asob. U siabie ŭ padpolnym cechu jon raźbiraŭ, zamarožvaŭ i zachoŭvaŭ tušy. Pradukcyju bizneśmien zbyvaŭ u Biełarusi i Rasii.

Hety budynak nie adpaviadaŭ nijakim sanitarna-epidemijałahičnym normam, śćviardžajuć u MUS. U im znajšli fasavanuju ŭ błoki pa 12-20 kiłahramaŭ jałavičynu ahulnaj vahoj zvyš 16,5 tony i bolš za tysiaču banak tušonki. Vieterynarnych dakumientaŭ na ŭsiu hetuju pradukcyju nie było.

Pa faktach parušeńnia vieterynarnych normaŭ i padatkovaha zakanadaŭstva pravodzicca pravierka.

Čytajcie taksama:

Nie razhubiŭsia i staŭ dahaniać. U Minsku čałaviek dapamoh zatrymać złačyncu

U Hiermanii zatrymali biełarusa za pieravozku mihrantaŭ

U Kalinkavickim rajonie čałaviek utapiŭsia ŭ małace

Nashaniva.com