Biełarus pryvioŭ «Arys» da załatych miedaloŭ čempijanatu Kipra
«Arys» ź Limasoła staŭ čempijonam Kipra pa futbole. Hałoŭnym trenieram źjaŭlajecca biełarus Alaksiej Špileŭski, a prezidentam biełaruski biznesoviec Uładzimir Fiodaraŭ.
21.05.2023 / 21:05
Siońnia asnoŭny kankurent «Arysa» kłub «APAEŁ» prajhraŭ «Apałonu» ź likam 2:3, i ŭžo nie dahonić «Arys». U čempijanacie Kipra zastałosia zhulać adzin tur.
«Arys» — 74, APAEŁ — 68, AJEK — 63, Apałon — 62…
«Arys» upieršyniu ŭ svajoj historyi staŭ čempijonam Kipra. Kłub kupiŭ u 2021 hodzie biełaruski bizneśmien Uładzimir Fiodaraŭ, jaki zaprasiŭ u lutym 2022 hoda Alaksieja Špileŭskaha. U pieršy siezon «Arys» pad kiraŭnictvam Špileŭskaha zaniaŭ 4-je miesca, a siońnia zavajavaŭ załatyja miedali.
Darečy, za «Arys» hulaje dvoje biełarusaŭ: Jaŭhien Jabłonski i Arciom Šumanski.
Alaksiej Špileŭski ŭ svoj čas treniravaŭ bresckaje «Dynama», kazachstanski «Kajrat», jaki jon pryvioŭ da čempijonstva ŭ 2020 hodzie, niekalki miesiacaŭ treniravaŭ kłub niamieckaha druhoha dyvizijona «Erchebirhe».
Čytajcie taksama:
Biełaruskaha treniera pryznali najlepšym u čempijanacie Kipra