Raźbituju hitaru Kurta Kabejna pradali na aŭkcyjonie amal za 600 tysiač dalaraŭ
Elektrahitaru Fender Stratocaster, jakaja naležała frontmenu Nirvana, kupili na aŭkcyjonie za $596 tysiač. Asoba pakupnika nie raskryvajecca. Pieršapačatkova instrumient aceńvali ŭ $60-80 tysiač.
21.05.2023 / 20:48
Tak vyhladaje raźbitaja Kurtam hitara.
Kurt Kabejn raźbiŭ hetuju hitaru na scenie ńju-jorkskaha Hard Rock Cafe na pačatku 1990-ch. U toj čas Nirvana pracavała nad svaim druhim i samym paśpiachovym albomam Nevermind. Paśla hitaru adnavili, ale hrać na joj bolš nielha, piša Bi-bi-si.
Na hitary jość aŭtohrafy ŭsich troch udzielnikaŭ Nirvana. Viadoma, što ŭ 1992 hodzie Kabejn padaryŭ jaje svajmu siabru, udzielniku hranž-hurta Screaming Trees Marku Łaniehanu. Letaś Łaniehan pamior, paśla čaho hitaru i vystavili na aŭkcyjon.
«Kabejn na scenie byŭ mašynaj. Možna było adčuć usiu jaho lutaść. U tym liku jana była ŭ tym, jak jon abychodziŭsia sa svaimi instrumientami», — skazaŭ pradstaŭnik Julien's Kodzi Frederyk.
Dva hady tamu akustyčnaja hitara, jakuju Kabejn vykarystaŭ dla svajho lehiendarnaha vystupu na MTV Unplugged u kancy 1993 hoda, była pradadzienaja za 6 miljonaŭ dalaraŭ.