Сёння па Зямлі ўдарыць магнітная бура
Яе пік прыйдзецца на нядзелю, 21 мая.
20.05.2023 / 13:31
Магутная магнітная бура абрынецца на Зямлю 20 мая. Пра гэта паведамляе выданне Newsweek са спасылкай на Нацыянальнае ўпраўленне акіянічных і атмасферных даследаванняў (NOAA).
Прычынай буры стаў каранальны выкід масы на Сонцы. Яно выкінула воблака плазмы, якое накіравалася ў бок планеты. Гэта адбылося 18 мая і зараз гэтая хваля дасягне Зямлі.
У перыяд магнітнай буры, якая, як чакаецца, дасягне максімальнай сілы ўвечары 21 мая, могуць узнікаць непаладкі ў працы тэхнікі, а таксама пагаршацца самаадчуванне метэазалежных людзей.
Людзі могуць адчуваць галаўны боль, млоснасць, боль у суставах.
Зрэшты, ёсць і станоўчы момант, бо ў перыяд магнітных бураў можа ўзнікаць палярнае ззянне.
Чытайце таксама: