Prahrymieli vybuchi ŭ akupavanym Maryupali, haryć u aeraporcie
U akupavanym rasijanami Maryupali ŭviečary 19 maja miascovyja žychary paviedamili pra vybuchi ŭ pryharadzie i ŭ aeraporcie, dzie raźmiaščalisia rasijskija vajskoŭcy. Pra heta paviedamiła «Ukrainskaja praŭda» sa spasyłkaj na miascovych čynoŭnikaŭ.
19.05.2023 / 22:42
Haradskaja rada Maryupala, u pryvatnaści, paviedamiła:
«Vybuchi ŭ Maryupalskim rajonie. Viadoma pra try mahutnyja vybuchi, jakija čuli maryupalcy. Papiarednie, traplańnie ŭ miescaznachodžańnie asabovaha składu akupantaŭ na terytoryi Maryupalskaha aeraporta. Miarkujučy pa videa, u vypadku pacviardžeńnia infarmacyi, vorah pavinien byŭ panieści značnyja straty».
Taksama pra heta paviedamlaje i daradca maryupalskaha mera Piatro Andruščanka. Jon zajaviŭ, što na miescy «prylotu» znachodziłasia kala 150 rasijan, i heta miesca vykarystoŭvałasia dla ŭstanoŭki sistem rasijskaj SPA.