Каля мінскага фудкорта з трэцяга паверха ўпала шкло і параніла хлопца
Увечары 15 мая з трэцяга паверха аварыйнага будынка па вуліцы Кульман каля фудкорта «Лідбір Двор» выпала шкло з аконнай рамы. У выніку гэтага 19-гадовы малады чалавек атрымаў цяжкія цялесныя пашкоджанні.
19.05.2023 / 16:32
Фудкорт «Лідбір Двор». Фота ілюстрацыйнае
Будынак раней быў прызнаны аварыйным і з 19 красавіка бягучага года выконваюцца работы па яго мадэрнізацыі. Але будаўнікі, насуперак дзейнаму заканадаўству не абгарадзілі зону правядзення небяспечных работ, паведаміў Следчы камітэт.
Таму ў дачыненні да 32-гадовага прараба будаўнічай арганізацыі, які павінен быў кантраляваць выстаўленне агароджаў, завялі крымінальную справу па ч. 1 арт. 303 (парушэнне правілаў бяспекі будаўнічых работ, што пацягнула па неасцярожнасці прычыненне цяжкага цялеснага пашкоджання) Крымінальнага кодэкса. Праводзяцца следчыя дзеянні.
Чытайце таксама:
Пад Віцебскам узарвалі воданапорную вежу
Сёння ў Мінску некалькі хвілін бачылі гіганцкі фантан памерам са шматпавярховік. Што гэта было?
Малое дзіця ў Дуброўне наглыталася батарэек, магнітаў і шрубаў