«Мы цалкам перагледзелі праграму падрыхтоўкі рэзервістаў» — камандуючы сіламі спецаперацый
«Мы выпрацоўвалі сістэму падрыхтоўкі ваеннаабавязаных у кароткія тэрміны, каб выйсці на ўзровень, які адпавядае сучасным патрабаванням», — заявіў прэс-службе Мінабароны камандуючы сіламі спецыяльных аперацый Узброеных Сіл генерал-маёр Вадзім Дзенісенка на завяршэнні збораў з ваеннаабавязанымі.
19.05.2023 / 13:25
Вадзім Дзенісенка. Фота: агенцтва «Ваяр»
Галоўнае з заяў генерал-маёра Вадзіма Дзенісенкі:
- мы цалкам перагледзелі праграму падрыхтоўкі рэзервістаў. І ўжо цяпер, з улікам спецыяльнай ваеннай аперацыі, праводзілі тут заняткі, накіраваныя на аднаўленне навыкаў ваеннаабавязаных у кароткія тэрміны;
- ваеннаабавязаныя змаглі асвоіць новую праграму ў сціслыя тэрміны і паказаць вельмі добры вынік;
- батальён запасу цалкам гатовы да задач, якія могуць перад ім стаяць;
- батальён быў цалкам сфармаваны з ваеннаабавязаных, пачынаючы ад кіравання батальёна, штаба і заканчваючы апошнім салдатам у падраздзяленні;
- людзі зараджаныя і настроены на выкананне задач.
Чытайце таксама:
Мінабароны пачало новыя зборы з ваенаабавязанымі. У тым ліку ў Мінску
«Слабыя патугі асобных экстрэмістаў». Хрэнін анансаваў далейшыя праверкі боегатоўнасці