Дабраліся і да цыганоў. Іх арганізацыю таксама ліквідуюць
У Гродзенскім абласным судзе 26 мая пройдзе пасяджэнне аб ліквідацыі раённага грамадскага аб'яднання «Ашмянская цыганская грамада», паведамляе Hrodna Life.
18.05.2023 / 18:39
Цыганы выступаюць на фестывалі нацыянальных культур у Гродне
Пазоўнікам па справе выступае галоўнае ўпраўленне юстыцыі Гродзенскага аблвыканкама, рашэнне будзе абвяшчаць суддзя Святлана Даўгашэй.
Арганізацыя, якую паставілі на ліквідацыю, зарэгістраваная ў 2003 годзе, па стане на 1 студзеня 2022 года ў ёй было 22 чалавекі, у 2014 — 30. Публічных мерапрыемстваў апошнім часам яны не праводзіла.
Кіраўніком «Ашмянскай цыганскай грамады» з'яўляецца цыганскі барон Артур Ягораў. Яна ўдзельнічала ў фестывалі нацыянальных культур у Гродне, прывозячы на яго ансамбль «Джана Рома».
Чытайце таксама:
Ліквідуюць аб'яднанне лідскіх аматараў мерсэдэсаў
У Глыбокім ліквідуюць фонд, які дапамагаў уладам асвойваць грошы Еўрасаюза