Siońnia ŭ Minsku niekalki chvilin bačyli hihancki fantan pamieram u šmatpaviarchovik. Što heta było?
Vielizarny fantan vyšynioj sa šmatpaviarchovik niekalki chvilin biŭ siońnia kala handlovaha centra Globo na vulicy Umanskaja. Minaki zdymali jaho na videa. Što heta było, ahienctva «Minsk-Naviny» pacikaviłasia ŭ namieśnika hałoŭnaha inžyniera fiłijała «Minskija ciepłavyja sietki» RUP «Minskenierha» Andreja Žeški.
17.05.2023 / 18:50
«Fiłijałam pravodzilisia hidraŭličnyja vyprabavańni ciepłavoj mahistrali № 47. Jana prachodzić uzdoŭž praśpiekta Dziaržynskaha, vulic Akreścina, Hrušaŭskaj i Umanskaj», — adkazaŭ Žeška. — Vyprabavańni vyjavili šerah paškodžańniaŭ sietki. Voś na Umanskaj minčuki bačyli nastupstvy adnaho ź ich».
Andrej Žeška zapeŭniŭ, što ŭsie paškodžańni likvidujuć u samyja karotkija terminy. Pry hetym spažyŭcy rajona nie paciarpieli, pakolki ŭ ich i tak haračaj vady z-za płanavych vyprabavańniaŭ časova ciapier niama. A takija vyprabavańni jakraz i dazvalajuć vyjavić defiekty, kab nie było «siurpryzaŭ» paśla.
Pavodle jaho słoŭ, siońniašni incydent — nie typovy, ale časam pry vyprabavańniach ciepłasietak byvaje i takoje. A taksama nahadaŭ, što kali chtości bačyć voś taki «fantan» ci, naprykład, pravał hruntu, to treba infarmavać kamunalnyja słužby.
Siońnia enierhietyki adreahavali apieratyŭna, pierakryŭšy vadu praz 10-15 chvilin.
Čytajcie taksama:
U Minsku kačku z kačaniatami vyklikali ŭ Śledčy kamitet VIDEA
Čamu łasi prychodziać u horad?
Na minskim skryžavańni adbyłasia aŭtaavaryja sa śmiarotnym kancom