Ліквідуюць аб'яднанне лідскіх аматараў мерсэдэсаў
Праз суд ліквідуюць грамадскае аб'яднанне «Мерсаводы Ліды», паведаміў праваабарончы канал «Права маюць».
17.05.2023 / 16:24
Здымак ілюстрацыйны. Фота: Wikimedia Commons
Пасяджэнне пройдзе 2 чэрвеня ў Гродзенскім абласным судзе. Рашэнне зачытае суддзя Сяргей Піпко, а пазоўнік — Галоўнае ўпраўленне юстыцыі Гродзенскага аблвыканкама.
Аб'яднанне, якое аб'ядноўвала аматараў мерсэдэсаў, зарэгістравалі ў 2020 годзе. У ім было 11 чалавек, якія праводзілі фестывалі аўтамабіляў, што збіралі людзей з розных гарадоў і краін.
Чытайце таксама:
У Глыбокім ліквідуюць фонд, які дапамагаў уладам асвойваць грошы Еўрасаюза