CNN: Ukraina sapraŭdy ŭžo vykarystoŭvała rakiety Storm Shadow
Ukraina ŭžo vykarystała dalnabojnyja rakiety Storm Shadow, atrymanyja ad Vialikabrytanii, dla ŭdaraŭ pa rasijskich celach. Pra heta telekanału CNN paviedamili dva čynoŭniki ZŠA i adzin čynoŭnik krainy Zachadu, znajomyja ź infarmacyjaj.
16.05.2023 / 19:52
Krynicy CNN, praŭda, nie ŭdakładnili, kali mienavita i dla ŭdaraŭ pa jakich celach ukrainski bok vykarystaŭ Storm Shadow. Pradstaŭnik Ministerstva abarony Ukrainy ad kamientaryjaŭ admoviŭsia.
Storm Shadow — kryłataja rakieta vialikaj dalokaści, raspracavanaja sumiesna Vialikabrytanijaj i Francyjaj. Dalokaść jaje stralby pieravyšaje 250 kiłamietraŭ.
Storm Shadow Vialikabrytanija pieradała Ukrainie na minułym tydni, a napiaredadni brytanski ŭrad zajaviŭ pra namiery pieradać Ukrainie sotni novych udarnych bieśpiłotnikaŭ z dalokaściu palotu bolš za 200 km.
Čytajcie taksama:
Ukrainskaja artyleryja naniesła prycelnyja ŭdary pa Łuhansku
Rakiety Storm Shadow zmusiać Čarnamorski fłot pakinuć Sievastopal?
Vialikabrytanija pastaviła Ukrainie rakiety dalokaściu 250 km. Heta mianiaje pole boju