Na Homielščynie zaŭvažyli vielmi redkuju dla Biełarusi ptušku
Dniami ŭ kadr fatohrafki Iny Subocinaj trapiła vielmi redkaja ptuška — koŭpica. Žančynie paščaściła zrabić zdymak 12 maja ŭ rybhasie «Tremla» Pietrykaŭskaha rajona.
15.05.2023 / 21:55
«Koŭpicy — heta redkija hości. Kaliści ŭ XIX stahoddzi hniezdavalisia ŭ tych krajach, ale potym źnikli. Dakładna viadoma, što ich bačyli ŭ 1903, 1910, 2010 i 2017 hadach. I voś 12.05.2023», — raskazała fatohrafka ŭ instahramie.
Sa słoŭ žančyny, dla zdymka joj spatrebiłasia prajechać 705 kiłamietraŭ, patracić 14 hadzin času, a kamanda składałasia ź piaci čałaviek.
Koŭpicy aktyŭnyja ŭ zmroku, radziej — dniom. Charčujucca jany vodnymi biespazvanočnymi žyviołami, ziemnavodnymi i drobnaj rybaj. Asnoŭny areał pasialeńnia: ciopłyja šyroty Jeŭrazii i Paŭnočnaj Afryki.
Čytajcie taksama:
Paviartalisia z vyraju vialikija arlacy. Ale nie va ŭsich hetych redkich u nas ptušak usio dobra
Ptuški niaredka sutykajucca z šybami, asabliva padčas mihracyj. Jak im pamahčy ŭratavacca?
U Mahilovie masava pamirajuć čajki. Što moža być pryčynaj? Jość niekalki viersij