На Гомельшчыне заўважылі вельмі рэдкую для Беларусі птушку
Днямі ў кадр фатографкі Іны Субоцінай трапіла вельмі рэдкая птушка — коўпіца. Жанчыне пашчасціла зрабіць здымак 12 мая ў рыбгасе «Трэмля» Петрыкаўскага раёна.
15.05.2023 / 21:55
«Колпіцы — гэта рэдкія госці. Калісьці ў XIX стагоддзі гнездаваліся ў тых краях, але потым зніклі. Дакладна вядома, што іх бачылі ў 1903, 1910, 2010 і 2017 гадах. І вось 12.05.2023», — расказала фатографка ў інстаграме.
Са слоў жанчыны, для здымка ёй спатрэбілася праехаць 705 кіламетраў, патраціць 14 гадзін часу, а каманда складалася з пяці чалавек.
Колпіцы актыўныя ў змроку, радзей — днём. Харчуюцца яны воднымі беспазваночнымі жывёламі, земнаводнымі і дробнай рыбай. Асноўны арэал пасялення: цёплыя шыроты Еўразіі і Паўночнай Афрыкі.
Чытайце таксама:
Павярталіся з выраю вялікія арляцы. Але не ва ўсіх гэтых рэдкіх у нас птушак усё добра
Птушкі нярэдка сутыкаюцца з шыбамі, асабліва падчас міграцый. Як ім памагчы ўратавацца?
У Магілёве масава паміраюць чайкі. Што можа быць прычынай? Ёсць некалькі версій