Łatuška: U Łukašenki, pa našych źviestkach, moža być infiekcyjna-alerhičny mijakardyt
Kiraŭnik NAU i pradstaŭnik Abjadnanaha pierachodnaha kabinieta Pavieł Łatuška padzialiŭsia infarmacyjaj sa svaich krynic pra stan zdaroŭja Łukašenki.
14.05.2023 / 22:25
Ruki Alaksandra Łukašenki ź bintom, napeŭna, ad kropielnicy. Na paradzie ŭ Maskvie 9 maja 2023 hoda. Skrynšot
Łatuška ŭ svaim zvarocie kaža, što pa źviestkach Narodnaha antykryzisnaha ŭpraŭleńnia, u Łukašenki moža być infiekcyjna-alerhičny mijakardyt.
Infiekcyjna-alerhičny mijakardyt — heta zapaleńnie sardečnaj myšcy, jakaja vyklikajecca roznymi infiekcyjami (naprykład, hrypam).
Apošni raz Alaksandr Łukašenka źjaŭlaŭsia na publicy 9 maja i mieŭ chvaravity vyhlad. Na ŭračystaściach u Minsku jon upieršyniu nie vystupiŭ z pramovaj. Siońnia na aficyjnych mierapryjemstvach znoŭ na ludziach nie źjaviŭsia.
Siońnia ŭ Dziarždumie pacvierdzili infarmacyju ab prablemach sa zdaroŭjem u Łukašenki.