Пераможцай «Еўрабачання» другі раз стала шведская спявачка Loreen. У 2012-м яна выказала падтрымку Бяляцкаму
Сёлета музычны конкурс праходзіў у Ліверпулі. Спявачцы Loreen найбольшую колькасць балаў прысудзілі як гледачы, так і прафесійнае журы.
14.05.2023 / 02:06
Скрын відэа трансляцыі
У 2012 годзе Loreen скарыла музычны конкурс з песняй Euphoria. У тым жа годзе яна, пасля свайго выступу ў Віцебску на «Славянскім базары», сустрэлася ў шведскай амбасадзе з жонкай палітвязня Алеся Бяляцкага Наталляй Пінчук, намеснікам старшыні «Вясны» Валянцінам Стэфановічам і незалежнымі беларускімі журналістамі.
Яна выказала словы падтрымкі Алесю Бяляцкаму і іншым беларускім палітзняволеным, падпісалася пад петыцыяй аб забароне смяротнага пакарання ў Беларусі.
Другое месца на сёлетнім «Еўрабачанні» заняла Фінляндыя, трэцяе — Ізраіль.
У 2022-м перамогу прысудзілі ўкраінскай групе Kalush Orchestra. Але праз вайну конкурс вырашана было праводзіць у Вялікабрытаніі, чый калектыў тады заняў другое месца.
Чытайце таксама:
Ларын сустрэлася з жонкай Бяляцкага: «Ваша змаганне справядлівае»
Сёння — фінал Еўрабачання: вось топ-10 песень, якія могуць перамагчы