79-hadovy Robiert De Nira staŭ baćkam siomy raz
Akcior Robiert De Nira staŭ baćkam siomy raz. Jon papraviŭ žurnalista vydańnia ET Canada, jaki padčas intervju skazaŭ, što ŭ artysta šaściora dziaciej.
10.05.2023 / 08:41
Robiert De Nira. Fota: Joel Rian, TASS/AP
«Naohuł kažučy, siamiora. Zusim niadaŭna ŭ mianie naradziłasia dzicia», — udakładniŭ De Nira.
Infarmacyju pra siomaje dzicia pacvierdziŭ aficyjny pradstaŭnik akciora. Adnak poł i imia małoha pakul nie nazyvajucca, jak i imia jaho maci.
«Ja ŭ paradku, — skazaŭ De Nira. — Vy viedajecie, maje dzieci časam nie zhadžajucca sa mnoj, ale jany staviacca da mianie z pavahaj. Maja dačka, joj 11 hadoŭ, časam zasmučaje mianie, i ja ź joj spračajusia. Ja lublu jaje, ale viedajecie. I ciapier moj samy małodšy, heta jašče nie ŭsio. Ale tak jano i jość».
De Nira byŭ žanaty dvojčy. U jaho dvoje ahulnych dziaciej — 51-hadovaja Drena i 46-hadovy Rafael — ad jaho pieršaj žonki Dzijany Ebat i dvoje dziaciej — 25-hadovy Ełijot i 11-hadovaja Chielen — ad byłoj žonki Hrejs Chajtaŭer. Jon taksama baćka synoŭ-bliźniat Aarona i Džułijana, jakim 27 hadoŭ, ad byłoj siabroŭki Tuki Śmit.
Čytajcie taksama: