Польскія дальнабойнікі пачалі акцыю пратэсту на мяжы з Беларуссю
Польскія транспартныя кампаніі пратэстуюць супраць захопу беларускімі і расійскімі кампаніямі транспартнага рынку на ўсход. Яны патрабуюць забараніць уезд у Польшчу фур з беларускай і расійскай рэгістрацыяй, прыпыніць працу беларускіх і расійскіх прадпрыемстваў пад польскім прыкрыццём і аднавіць дазволы для транспартных кампаній з Украіны.
09.05.2023 / 15:49
У 12 гадзін па мясцовым часе удзельнікі пачалі блакаваць рух каля мытнага тэрмінала «Карошчын», размешчанага побач з пераходам Кукурыкі-Казловічы. Гэта адзіны грузавы пераход, які працягвае працу на беларуска-польскай мяжы.
На іх, якія публікуе reform.by, бачна, што грузавікі знаходзяцца на дарозе каля населенага пункта Дабрынь Дужы. У ім размешчаны паркінг для вялікагрузаў.
Арганізатары пратэсту атрымалі дазвол на акцыю ў перыяд з 9 траўня да 9 чэрвеня. Адначасова пратэстуючыя працягваюць раней распачатую блакаду аднаго з пераходаў на мяжы з Украінай.
Пункт пропуску «Карошчын-Казловічы» — адзіны пункт пропуску для грузавога транспарту на беларуска-польскай мяжы. Пасля таго, як Польшча прыпыніла працу пункта пропуску «Баброўнікі-Бераставіца», беларускія ўлады ўвялі патрабаванне, каб польскія фуры маглі перасякаць мяжу толькі на беларуска-польскім участку. Раней яны маглі ўязджаць-выязджаць у Беларусь таксама з боку Літвы і Латвіі.