Łijanel Miesi paprasiŭ prabačeńnia za pajezdku ŭ Saudaŭskuju Araviju
Łijanel Miesi paprasiŭ prabačeńnia pierad svaim kłubam «Pary Sien-Žermien» za pajezdku ŭ Saudaŭskuju Araviju. Raniej stała viadoma, što paryžski kłub adchiliŭ arhiencinskaha futbalista na dva tydni za pajezdku na Blizki Uschod biez dazvołu.
05.05.2023 / 19:15
Forvard u suviazi z hetaj situacyjaj apublikavaŭ admysłovaje pakajannaje videa
U sacyjalnaj sietcy Miesi apublikavaŭ zvarot u suviazi z hetaj situacyjaj.
«Ja dumaŭ, što nam daduć vychadny paśla hulni, jak heta zaŭsiody i było. Ja arhanizavaŭ pajezdku i nie moh jaje admianić, tamu što raniej mnie ŭžo davodziłasia jaje admianiać. Ja prynošu prabačeńni maim partnioram pa kamandzie i čakaju rašeńnia kłuba», — skazaŭ futbalist.
Z-za adchileńnia słavuty futbalist musić prapuścić matčy svajoj kamandy suprać kłubaŭ «Trua» i «Aiača».
Raniej źjaŭlałasia infarmacyja, što trenier «PSŽ» Krystof Halćie choča, kab Miesi hulaŭ za kłub paśla adchileńnia.
Skandał razhareŭsia z-za taho, što Łijanel Miesi nakiravaŭsia ŭ Saudaŭskuju Araviju paśla prajhranaj hulni čempijanatu Francyi, a mieŭ jon prava tak rabić tolki ŭ vypadku pieramohi ci ničyjoj.
Čytajcie taksama:
Futbolny kłub «Napali» staŭ čempijonam Italii ŭpieršyniu za 33 hady
Imia Piele ŭklučyli ŭ słoŭnik partuhalskaj movy jak sinomim słova «najlepšy»