U Biełaviežskaj puščy znajšli redkuju raślinu
Navukovyja supracoŭniki zapaviednika na paŭdniovaj uskrainie Biełaviežskaj puščy, u Dźmitravickim laśnictvie, na nievialikim lasnym «astraŭku», akružanym palami, vyjavili dva novyja miescy rostu redkaj reliktavaj raśliny — plušču zvyčajnaha.
05.05.2023 / 16:17
Plušč (Hedera helix L.) zaniesieny ŭ nacyjanalnuju Čyrvonuju knihu i znachodzicca pad dziaržaŭnaj achovaj užo na praciahu amal 60 hadoŭ.
Hedera helix — raślina davoli niezvyčajnaja, jana adzinaja ŭ biełaruskaj fłory viečnazialonaja łijana.
Pavodle svajho pachodžańnia, plušč — pradstaŭnik ciepłalubivaj jeŭrapiejskaj hornaj raślinnaści i ŭ našaj krainie jaho niešmatlikija miescy rostu znachodziacca na samaj uschodniaj miažy raspaŭsiudžvańnia.
Ciapier u Biełaviežskaj puščy adznačana ŭžo bolš za dziasiatak miescaŭ, dzie raście hetaja raślina. U asnoŭnym heta vilhotnyja liścievyja i jałovyja lasy, raźmieščanyja čaściakom kala zabałočanych alešnikaŭ i jasieńnikaŭ.
Raście plušč davoli pavolna, jahonyja doŭhija, pakručastyja pleci ścielucca pa ziamli i tolki časam pry dapamozie pavietranych karanioŭ-prysosak ciahnucca ŭvierch pa stvałach dreŭ, bližej da śviatła.
Čytajcie taksama:
Čufa: hety ziemlany arech vydatna raście ŭ biełaruskich umovach. Pasadzicie, i vam spadabajecca
Narcysy, ruža, barvienak — jakija kvietki pasadzić na mohiłkach zamiest płastykavych bukietaŭ