Zavod «Pramień» vypuściŭ kalekcyju hadzińnikaŭ, pryśviečanuju Pacu-Vacu
Kožny hod Minski hadzińnikavy zavod «Pramień» vypuskaje kalekcyju hadzińnikaŭ «Asoba», pryśviečanuju jakoj-niebudź kultavaj asobie Biełarusi. Sioleta kalekcyja pryśviečanaja lalečnamu viadučamu 1990-ch hadoŭ, jaki pakinuŭ jarkija ŭspaminy ŭ hałovach i sercach cełaha pakaleńnia.
03.05.2023 / 18:29
Paca-Vaca byŭ hierojem i «viadučym» biełaruskaj televizijnaj prahramy «Mulcikłub» na praciahu 14 hadoŭ. Niadzielny efir pieradačy tady zajmaŭ treciaje miesca ŭ rejtynhu prahladaŭ siarod dziciačaj aŭdytoryi Biełarusi paśla multfilmaŭ Uołta Dyśnieja i prahramy «Jerałaš».
Pavodle lehiendy, inšaziemny vandroŭnik badziaŭsia ŭ kosmasie, kab vyratavać svaju pamirajučuju ad nudy płanietu Alfa-Mieha-Centaŭra. U vyniku jon natknuŭsia na Ziamlu. Tut jaho vypadkova ŭbačyła maleńkaja dziaŭčynka Nataša. Jana paznajomiła Pacu-Vacu sa śvietam multyplikacyi, i tady zialony vandroŭnik staŭ rehularna adpraŭlać na svaju rodnuju płanietu samyja cikavyja multfilmy, nahadvaje Blizko.by.
U kalekcyjnych hadzińnikach na bakavoj pavierchni korpusa raźmieščany kaśmičny ałfavit Pacy-Vacy, a na advarotnym baku vyhraviravany partret piersanaža ŭ asiaroddzi zorak i płaniet.
Kalekcyja limitavanaja: kožnaj madeli hadzińnika pa 150 štuk.
Čytajcie taksama:
«Łuč» vypuściŭ kalekcyju da Dnia rodnaj movy
Hadzińnikavy zavod «Pramień» vypuściŭ navahodniuju kalekcyju budzilnikaŭ z kaladnaj zorkaj