Мінабароны Украіны паказала акупантам, як зберагае HIMARS: Ніводнага вы так і не знішчылі
Мінабароны Украіны паказала, як зберагае амерыканскія рэактыўныя сістэмы залпавага агню HIMARS, а таксама паведаміла, што да гэтага часу не было знішчана ніводнай устаноўкі. Пра гэта ўкраінскае ведамства паведаміла ў сваім твітары.
03.05.2023 / 15:35
Скрыншот відэа Мінабароны
У відэа ўкраінскі вайсковец звяртаецца па-руску да расійскіх салдатаў.
«Рускі салдат, мяне завуць капітан HIMARS, і я трымаю сваё слова. Я не б'ю па казармах тых сектараў, адкуль я атрымліваю каардынаты бронетэхнікі і складоў боепрыпасаў. Табе працягваюць хлусіць, што HIMARS практычна не засталося. Паглядзі, у якіх умовах мы іх захоўваем. Гэта ваенныя аб'екты, пабудаваныя яшчэ ў Савецкім Саюзе. Ім не страшныя нават ядзерныя ўдары. Спачатку вайны не было знішчана ні адной сістэмы HIMARS. Рускі салдат, працягвай дасылаць мне каардынаты цэляў і тады смерць не абрынецца на цябе з неба», — гаворыцца ў звароце.