Pieryjad uzdymu zachvorvańniaŭ na kavid i VRI zavieršany — Minzdaroŭja

Ministerstva achovy zdaroŭja paviedamlaje pra ŭstojlivaje źnižeńnie zachvorvańniaŭ na vostryja reśpiratornyja infiekcyi i infiekcyju COVID-19, tamu viedamstva kanstatuje zaviaršeńnie pieryjadu ŭzdymu zachvorvańnia na vostryja reśpiratornyja infiekcyi i kavid.

03.05.2023 / 14:33

Takim čynam, dla śpiecyjalistaŭ admianiajecca nieabchodnaść praviadzieńnia dadatkovych sanitarna-supraćepidemičnych mierapryjemstvaŭ, jakija byli praduhledžany zakanadaŭstvam na pieryjad uzdymu zachvorvańniaŭ.

Razam z tym Minzdaroŭja infarmuje ab nieabchodnaści praviadzieńnia tradycyjnych sanepidmierapryjemstvaŭ, vyznačanych punktam 41 Sanitarnych normaŭ i praviłaŭ «Patrabavańni da arhanizacyi i praviadzieńnia sanitarna-supraćepidemičnych mierapryjemstvaŭ, nakiravanych na praduchileńnie zanosu, uźniknieńnia i raspaŭsiudžvańnia hrypu i infiekcyi».

Varta adznačyć, što Minzdaroŭja ź lipienia minułaha hoda nie paviedamlała pra kolkaść vypadkaŭ kavidu.

Čytajcie taksama:

Pieršy ŭzor biełaruskaj vakcyny ad kavidu płanujuć atrymać u krasaviku 

U Rasii vyjavili novy vid karanavirusa

Karanavirus — usio. Minzdaroŭja vyklučyła kavid sa śpisa chvarob, jakija ŭjaŭlajuć niebiaśpieku dla nasielnictva

Nashaniva.com