Mintrans paviedamiła detali vybuchu na čyhuncy ŭ Branskaj vobłaści, dzie była biełaruskaja bryhada
U Branskaj vobłaści siońnia pad adchon puścili ciahnik, jaki pieravoziŭ naftapradukty i piłamateryjały. U jaho pierahonie ŭdzielničała i łakamatyŭnaja bryhada homielskaha depo. Ministerstva transpartu paviedamiła niekatoryja detali.
01.05.2023 / 17:06
Skrynšot videa
Mintrans paviedamiŭ, što siońnia a 10-j ranicy na 136 km pierahonu Unieča-Rasucha ŭ 50 m ad hruzavoha ciahnika №2528 farmiravańnia Biełaruskaj čyhunki spracavała nieŭstalavanaje vybuchovaje prystasavańnie.
«Ciahnik №2528 adpraviŭsia sa stancyi Homiel pryznačeńniem na stancyju Bransk.
U składzie ciahnika było 78 vahonaŭ. U vyniku vybuchu syšli z rejek 8 vahonaŭ», — kažacca ŭ aficyjnaj zajavie.
Pa słovach Minsktransa, łakamatyŭnaja bryhada nie paciarpieła.
Na miescy zdareńnia pracuje pažarny ciahnik stancyi Unieča Maskoŭskaj čyhunki. Taksama dla akazańnia dapamohi pryznačany adnaŭlenčy ciahnik Homiel.
Dla ŭdziełu ŭ rasśledavańni na miesca zdareńnia vyjechali pradstaŭniki homielskaha addzialeńnia Biełaruskaj čyhunki.
Razam z tym, supolnaść čyhunačnikaŭ ličyć, što biełaruskaja bryhada mahła paciarpieć.
«Uličvajučy paškodžańni ciepłavoza, atrymanyja ŭ vyniku vybuchu, a tak ža poŭnuju adsutnaść u kabinie mašynista jakich-niebudź traŭmavyklučalnych techničnych rašeńniaŭ, možna padvierhnuć sumnievu zajavy rasijskich pradstaŭnikoŭ ułady ab adsutnaści paciarpiełych u vyniku hetaha incydentu», — pisali jany raniej.
Čytajcie taksama:
U Branskaj vobłaści ciahnik puścili pad adchon. Vyhladaje, što zhareŭ biełaruski ciepłavoz