Na miažy z Polščaj łukašysty pastavili biłbord, jaki pierakonvaje, što dyktatura lepšaja za demakratyju. Ale nie zdoleli napisać biez pamyłki
Čytačy vydańnia «Zierkało» zaŭvažyli na miažy z Polščaj novuju sacyjalnuju rekłamu, jakaja, miarkujučy z tekstu, maje pierakanać padarožnikaŭ u tym, što dyktatura Łukašenki spraŭniejšaja za jeŭrapiejskuju demakratyju.
30.04.2023 / 20:50
Biłbord znachodzicca na biełaruskim baku mižnarodnaha aŭtamabilnaha punkta propusku «Brest». Na im namalavanyja čatyry ruki. Mužčynskaja dałoń ściskaje žanočuju, žanočaja trymaje birulku z klučami, a dziciačyja palčyki ŭchapilisia za čyp ad damafona.
Pad fatahrafijaj vialikimi litarami naniesieny tekst na anhlijskaj, ruskaj i polskaj movach:
«Naša «dyktatura» robić dla ludziej bolš, čym vaša «demakratyja».
Praŭda, pa-anhlijsku «čym» heta than. A aŭtary biłborda napisali then (paśla, potym).
Čytajcie taksama: