У Ветцы машына насмерць збіла 8-гадовую дзяўчынку
У райцэнтры Ветка на Гомельшчыне машына збіла 8-гадовую дзяўчынку. Выратаваць дзіця не ўдалося, паведамілі ў МУС.
30.04.2023 / 18:20
30 красавіка каля 15.00 38-гадовы кіроўца ГАЗ ехаў па вуліцы Леніна ў Ветцы. У раёне дома № 32 ён наехаў на 8-гадовую дзяўчынку, якая, паводле папярэдняй інфармацыі ДАІ, «перабягала дарогу ў непасрэднай блізкасці ад пешаходнага пераходу».
Дзяўчынку з траўмамі рознай цяжкасці даставілі ў раённую бальніцу, аднак уратаваць яе не ўдалося.
Чытайце таксама:
У Вілейскім раёне кіроўца фуры насмерць збіў чалавека. Яго затрымалі пасля вяртання з Літвы
Беларус і ўкраінка загінулі ў аўтакатастрофе, едучы са спатканне
У Аўстрыі беларус на фуры ўрэзаўся ў легкавік, за рулём якога быў 87-гадовы мясцовы жыхар