Biełarus i ŭkrainka zahinuli ŭ aŭtakatastrofie, jedučy sa spatkańnia
Niedaloka ad Varšavy dniami adbyłasia avaryja: biełarus i ŭkrainka, viartajučysia sa spatkańnia, urezalisia ŭ dreva i aboje zahinuli. Pra padrabiaznaści trahičnaj avaryi napisała vydańnie Most.
27.04.2023 / 22:36
Fota: se.pl
3 krasavika 2023 hoda biełarus i ŭkrainka viartalisia sa spatkańnia. Pad horadam Vałomin Mazavieckaha vajavodstva ich aŭtamabil urezaŭsia ŭ dreva.
Fota: se.pl
26-hadovaja ŭkrainka chutka pamierła ŭ balnicy, kudy jaje špitalizavali miedyki, jakija pryjechali na miesca zdareńnia. A 34-hadovaha biełarusa zabraŭ viertalot chutkaj miedycynskaj dapamohi i jon jašče niejki čas zmahaŭsia za žyćcio, znachodziačysia ŭ krytyčnym stanie. Adnak traŭmy akazalisia niesumiaščalnymi z žyćciom i ŭrešcie mužčyna pamior.
Fota: se.pl
Hetuju infarmacyju 26 krasavika pacvierdzili vydańniu se.pl u pres-słužbie akruhovaj prakuratury ŭ Varšavie.
Fota: se.pl
Pavodle nieaficyjnaj infarmacyi, mužčyna, jaki znachodziŭsia za rulom aŭtamabila, značna pieravysiŭ chutkaść. Palicyjanty paviedamlali, što mašyna jechała pa trasie z chutkaściu ažno 220 km/h.
Čytajcie taksama:
U Aŭstryi biełarus na fury ŭrezaŭsia ŭ lehkavik, za rulom jakoha byŭ 87-hadovy miascovy žychar
Niecviarozy padletak paškodziŭ try aŭtamabili ŭ Minsku
U Dziusieldorfie biełarus paraniŭ žonku nažom. Jaho łavili 10 palicejskich mašyn