Polšča farmiruje mižnarodnuju kaalicyju, kab nie dapuścić biełarusaŭ i rasijan na Alimpijadu
Polšča farmiruje kaalicyju z 36 krain, kab nie dapuścić spartśmienaŭ ź Biełarusi i Rasii na mižnarodnyja spabornictvy, u tym liku i na Alimpijadu-2024 u Paryžy. Pra heta zajaviŭ ministr sportu Polščy Kamil Bartničuk u efiry radyjo RMF24.
27.04.2023 / 16:38
Kamil Bartničuk. Fota: RMF24
«My znachodzimsia ŭ pracesie farmulavańnia nastupnaj pazicyi kaalicyi 36 krain. 15 maja ŭ nas Rada ES pa sporcie, dzie my taksama płanujem pryniać dekłaracyju, jakaja budzie vyrazna vystupać suprać viartańnia rasijan i biełarusaŭ na mižnarodnyja areny», — zajaviŭ Bartničuk.
Pry hetym Polšča pakul nie atrymała adkazu na svoj pratest, padadzieny ŭ MAK suprać dopusku rasijan i biełarusaŭ da adboračnych spabornictvaŭ da Alimpijady-2024.
Taksama polski ministr paviedamiŭ, što na Jeŭrapiejskich hulniach, jakija projduć sioleta z 21 červienia pa 2 lipienia ŭ Krakavie, biełarusaŭ z rasijanami dakładna nie budzie, im palaki prosta nie vydaduć vizy. Ale možna zrabić vyklučeńni dla tych spartśmienaŭ, jakija vystupiać z «vyraznaj zajavaj, jakaja asudžaje rasijskuju ahresiju suprać Ukrainy i złačynstvy, učynienyja tam rasijanami».
Čytajcie taksama:
Polski ministr sportu prapanavaŭ stvaryć dla biełarusaŭ i rasijan zbornuju biežancaŭ
Ukrainka Śvitolina nie pacisnuła ruku biełaruscy Sasnovič paśla tenisnaha matča
Łatvija nie dała vizu hałoŭnamu trenieru zbornaj Kazachstana. Pryčyna — jaho biełaruski pašpart