«Мной проста скарысталіся». Пратасевіч папрасіў не пазбаўляць яго волі
Апошняе слова Рамана Пратасевіча ў судзе доўжылася каля 10 хвілін. Прысуд будзе абвешчаны 3 мая.
26.04.2023 / 14:22
Раман Пратасевіч у судзе. Скрыншот відэа
Абвінавачаны па справе Nexta Раман Пратасевіч у апошнім слове ў судзе заявіў пра сваё раскаянне, піша «Спутнік».
«Мной проста скарысталіся спачатку ў Вільні, а потым у Варшаве, а потым проста выкінулі, здаўшы беларускім уладам», — заявіў Раман Пратасевіч у апошнім слове ў судзе.
Ён папрасіў суд не прызначаць яму пакаранне, звязанае з пазбаўленнем волі.
Апошняе слова ў судзе доўжылася каля 10 хвілін, суд пайшоў у дарадчы пакой для пастановы прысуду, які будзе абвешчаны 3 мая.
Пракурор запрасіў Пратасевічу 10 гадоў калоніі ўзмоцненага рэжыму, Сцяпану Пуцілу — 20 гадоў, Яну Рудзіку — 19 гадоў. Рудзіка і Пуцілу судзяць завочна.
Прапагандысты спыталі ў Пратасевіча, ці вярнуўся б ён у Беларусь, «калі б цяпер быў беглым за мяжой»
Пратасевіч пракаментаваў магчымую экстрадыцыю ў Расію Сафіі Сапегі