У Бараўлянах прадаюць міні-замак, і не празмерна дорага
Рухаючыся па МКАД, можна ўбачыць сярод сучасных катэджаў замкі ў некалькі паверхаў і плошчай 500 «квадратаў». Цяпер такія радавыя гнёзды ўжо ніхто не будуе. Але выданне Realt.by знайшло ў базе варыянт міні-замка — таўнхаўс. Там усяго два паверхі і адна вежа. У доме прадугледжаны гараж, а ўсе спальні знаходзяцца наверсе.
24.04.2023 / 17:22
Таўнхаўс знаходзіцца ў Бараўлянах. Яго пабудавалі з сілікатных блокаў у два паверхі і плошчай у 155 «квадратаў». Пакрыццё даху — металадахоўка.
Па дакументах лічыцца, што гэта кватэра ў зблакаваным доме.
Трапіць у дом можна з двух бакоў. Адзін размяшчаецца побач з кацельняй-пральняй і гаражом, другі праходзіць праз крытую тэрасу і тамбур.
На першым паверсе, акрамя вышэйпералічаных памяшканняў таксама ёсць гасцёўня, кухня, сумешчаны санвузел з душавой і калідор, дзе размяшчаецца лесвіца на другі паверх.
Дом прадаецца з мэбляй і ўбудаванай бытавой тэхнікай: посудамыйнай, пральнай і сушыльнай машынамі. Кухня зробленая з ясеня. Тут выкарыстоўвалася ручное патынаванне, устаноўленыя нямецкая фурнітура і ручкі ручной работы.
Што тычыцца стылю, то ён больш нагадвае мікс скандынаўскага і англійскага стыляў. Тэкстыль і матэрыялы аздаблення англійскіх, скандынаўскіх і французскіх вытворцаў.
Мэбля ў гасцёўні вырабленая з натуральнага дрэва. На падлозе ляжыць плітка, зробленыя цёплыя падлогі. На вокнах стаяць шклопакеты.
На другім паверсе ёсць тры жылыя пакоі. Ацяпляецца дом газам, каналізацыя — мясцовая, вадаправод — цэнтральны.
Участак абгароджаны, але сам па сабе невялікі — 2,69 соткі. Там уладкавана месца пад барбекю.
Гэты дом каштуе 120 тысяч даляраў, метр па 775 даляраў.
Чытайце таксама:
На продаж у мінскай Грушаўцы выставілі вялікі катэдж — былое пасольства
Мінчанка зрабіла класны рамонт у ЖК «Лазурыт». Але і грошай гэта каштавала нямала