У «Гродна Азот» 600 мільёнаў даляраў збіраюцца ўкласці індыйцы
У Еўразійскім банку развіцця (ЕАБР) паведамілі, што індыйскія кампаніі збіраюцца ўкласці да 600 мільёнаў даляраў у беларускае прадпрыемства «Гродна Азот».
21.04.2023 / 17:44
Фота: azot.by
У паведамленні адзначаецца, што Індыя плануе інвеставаць пазначаную вышэй суму ў пашырэнне вытворчасці азотных угнаенняў на «Гродна Азот». Гэта робіцца для таго, каб павялічыць аб'ём паставак азотных угнаенняў з Беларусі ў Індыю.
Рэалізацыя гэтага праекта мае спрыяць развіццю міжнароднага транспартнага калідора (МТК) «Поўнач — Поўдзень». Адзначаецца, што заходняя галінка дадзенага маршруту цяпер выкарыстоўваецца для экспарту мінеральных угнаенняў у Індыю.
Эксперты ЕАБР мяркуюць, што аб'ём кантэйнерных перавозак мінеральных угнаенняў пры выкарыстанні названага МТК ужо да 2030 года можа павялічыцца ў 8-9 разоў.
Чытайце таксама:
З-за перабояў у энергазабеспячэнні спыняўся «Гродна Азот»
«Гродна Азот» атрымае шматмільённы крэдыт на мадэрнізацыю ад Расіі
Літоўскі бізнэсмен пакаяўся, што дапамагаў «Гродна Азоту» абыходзіць санкцыі