Padčas raskopak na Miency znajšli artefakty X-XII stahoddziaŭ
Artefakty X-XII stahoddziaŭ vyjavili navukoŭcy Instytuta historyi Nacyjanalnaj akademii navuk Biełarusi ŭ archieałahičnym kompleksie na race Miency.
20.04.2023 / 18:40
Jak paviedamiŭ dyrektar Instytuta historyi NAN Biełarusi Vadzim Łakiza, 12 i 20 krasavika archieołahami Instytuta historyi byli praviedzienyja instrumientalnyja abśledavańni terytoryi sielišča 1, jakoje ŭvachodzić u archieałahičny kompleks na race Miency (vioska Haradzišča Minskaha rajona). Navukova-daśledčyja raboty pravodzilisia pad kiraŭnictvam zahadčyka addzieła IH NANB Andreja Vajciachoviča.
U vyniku hetych daśledavańniaŭ archieołahi vyjavili artefakty X-XII stahoddziaŭ: vahavyja hirki, płomby, elemienty pajasnoj harnitury, žanočyja nahrudnyja i hałaŭnyja ŭpryhažeńni, frahmient srebranaha dyrchiema, kluč ad unutranaha zamka i inšaje.
Na 2023 hod u hetym miescy zapłanavanyja maštabnyja raskopki z šyrokim udziełam studentaŭ i vałancioraŭ.
Čytajcie taksama:
Na raskopki na race Miency patraciać paŭmiljona rubloŭ
U krasaviku archieołahi pačnuć daśledavańni haradzišča na Miency. Možna dałučycca da raskopak
Hałoŭčanka anansavaŭ maštabnyja raskopki na haradziščy «Mienka»