Rańniuju kapustu i bulbu zamiest inšaziemcaŭ buduć pastaŭlać stolinskija fiermiery
Biełaruskija fiermiery buduć pastaŭlać u kramy rańniuju kapustu i bulbu zamiest impartnaj. Pra heta telekanału «Biełaruś 1» raskazaŭ namieśnik premjer-ministra Leanid Zajac pa vynikach sustrečy ź fiermierami Stolinskaha rajona i pradstaŭnikami handlovych sietak.
19.04.2023 / 22:25
Pa słovach namieśnika premjer-ministra, raniej rańniuju kapustu, bulbu, morkvu i buraki ŭ Biełaruś zavozili, a ciapier u fiermierskich haspadarak Stolinskaha rajona jość mahčymaść zamiaścić hety pradukt ajčynnym.
Fiermiery nibyta hatovyja realizavać sioleta kala 20 tys. ton aharodniny. Ceny na biełaruskuju pradukcyju buduć nižejšyja, čym na impartnuju.
Namieśnica ministra antymanapolnaha rehulavańnia i handlu Biełarusi Nina Jemialjanava adznačyła, što rańniuju kapustu haspadarki hatovyja pastavić u červieni, maładuju bulbu — u lipieni:
«I, pavodle zapeŭnieńnia handlovych sietak, jakija siońnia pryjechali na sustreču z užo padpisanymi damovami, z ulikam infarmacyi, jakuju danieśli da ich fiermierskija haspadarki, handlovyja sietki spyniać impart hetaj pradukcyi».
Čytajcie taksama:
Iran, AAE, Braziłija… Słodyčy ź jakich krain možna ciapier pabačyć na palicach biełaruskich kram?
Pad sietkami sa stolinskaj kapustaj rasijanam nielehalna vieźli hrušy