Zapiakanka ź ciortaj bulby z harodninaj
Hetaja viehietaryjanskaja zapiakanka z harodninaj i syrnym smakam maje chrustkuju skarynku ź ciortaj bulby.
22.04.2023 / 07:51
Zapiakanka ź ciortaj bulby z harodninaj. Fota: eatingbirdfood.com
Dla hetaj stravy lepš uziać zamarožanyja draniki, jakija pradajucca ŭ kramie, — tak budzie chutčej i skarynka atrymajecca bolš chrustkaj. Kali ž vy budziecie rabić ciortuju bulbu ŭłasnaruč, to varta vykarystoŭvać papiarovyja ručniki, kab prybrać jak maha bolš vilhaci z bulby.
Što datyčyć harodniny, u recepcie prapanujecca pierac, cybula, časnok, hryby i špinat, ale vy možacie ŭziać lubuju harodninu, jakaja jość pad rukoj. Brokali, kapusta ci kabački — taksama vielmi dobry varyjant.
Vam spatrebicca:
- 550 h (zamarožanaj) ciortaj bulby
- 3 čajnyja łyžki aliŭkavaha aleju
- 1 šklanka žoŭtaj cybuli, narezanaj
- 2 zubčyki časnaku, zdrobnienyja
- 1 čyrvony sałodki pierac, narezany
- 220 h šampińjonaŭ, narezanych
- 140 h maładoha špinatu
- 1 čajnaja łyžka soli (moža być bolš)
- ½ čajnaj łyžki mołataha čornaha piercu (moža być bolš)
- 10 jajek
- ½ šklanki zvyčajnaha ci mindalnaha małaka. Z raślinnym małakom strava budzie lahčejšaja
- ½ šklanki ciortaha vostraha syru čedar
Jak hatavać:
- Razahrejcie duchoŭku da 200°C i zmažcie formu dla vypiečki 9×13 alejem.
- Dadajcie ciortuju bulbu (kali jana zamarožanaja, to razmarožvać nie treba) u formu dla zapiakańnia i apyrskajcie 1 čajnaj łyžkaj aleju, źmiešanaha z drobkaj soli i piercu. Zapiakajcie kala 30 chvilin, pakul bulba nie padrumianicca i nie stanie chrumstkaj. Paśla taho, jak vy vyciahniecie bulbu z duchoŭki, pryciśnicie jaje łapatkaj, kab skarynka na dnie zrabiłasia bolšaj.
- Pakul bulba zapiakajecca, dadajcie 2 čajnyja łyžki aleju ŭ vialikuju patelniu na siarednim ahni. Kali alej stanie haračym, dadajcie cybulu, časnok, bałharski pierac i hryby. Hatujcie, pakul cybula nie stanie prazrystaj, a ŭsia vadkaść z hryboŭ nie vyparycca, prykładna 7-10 chvilin.
- Dadajcie ŭ sumieś špinat, sol i pierac i źmiašajcie, pakul špinat nie zavianie.
- Kali harodnina budzie hatova, źnimicie z ahniu i dajcie astyć.
- Uźbicie jajki i małako ŭ vialikaj miscy.
- Kali harodnina astynie, dadajcie jaje, a taksama 1 šklanku ciortaha syru ŭ jaječnuju sumieś i ŭsio pieramiašajcie.
- Vylicie jaječnuju sumieś u formu dla zapiakańnia (na bulbianyja aładki) i dadajcie jašče 1/2 šklanki syru čedar.
- Vypiakajcie 20-25 chvilin, pakul jajki nie pierastanuć być vadkimi.
- Dajcie pastajać 5 chvilin i padavajcie.
Vam mohuć spadabacca i hetyja stravy:
Recept na vychadnyja. Hrečaskaja zapiakanka pastycya — zornaja strava mižziemnamorskaj kuchni
Recept na vychadnyja. Bokści (boxty) — draniki, ale pa-irłandsku