U vielikodnuju noč rasijanie abstralali Zaparožskuju i Mikałajeŭskuju vobłaści — AVA
U noč na niadzielu, 16 krasavika, rasijanie nanieśli masiravany ŭdar pa Zaparožskaj vobłaści, paviedamiŭ kiraŭnik vajennaj administracyi Zaparožskaj vobłaści Juryj Małaška.
16.04.2023 / 08:19
«Ničoha śviatoha, navat u noč Uvaskresieńnia Chrystova vorah ździejśniŭ masiravanuju ataku», — napisaŭ jon.
Małaška adznačyŭ, što ŭ Kamyšavasie paškodžana miascovaja carkva, u jakoj nie pravodzili słužbu. Razbureńni jość i ŭ budynkach pobač.
Kiraŭnik Mikałajeŭskaj vajskovaj administracyi Vital Kim raspavioŭ, što rasijskija vajskoŭcy ŭnačy abstralali žyły kvartał ź zienitna-rakietnych sistem S-300. Zahinuli dva padletki 2005 hoda naradžeńnia. Paškodžanyja žyłyja damy, navučalnaja ŭstanova i pryvatnaje pradpryjemstva.