18-hadovaja valejbalistka zahinuła paśla matča Lihi čempijonaŭ
18-hadovaja italjanskaja valejbalistka Džułija Ituma zahinuła ŭ vyniku vierahodnaha padzieńnia z akna paśla matča žanočaj Lihi čempijonaŭ. Pra heta paviedamlaje infarmacyjnaje ahienctva ANSA.
13.04.2023 / 19:21
U krasaviku Ituma ŭ składzie italjanskaj «Navary» ŭdzielničała ŭ paŭfinale Lihi čempijonaŭ. Vyjhraŭšy chatni matč u piaci setach, kamanda na vyjeździe paciarpieła «suchoje» paražeńnie ad «Edžzadžybašy» ŭ Turcyi — 0:3.
Dla Džulii Ituma, jakaja pravodziła pieršy siezon u składzie «Navary», hetaja sustreča akazałasia apošniaj u žyćci. Ranicaj jaje znajšli miortvaj kala hatela, dzie spyniałasia kamanda.
Tureckaje vydańnie Hurriyet paviedamlaje pra imaviernaje samahubstva valejbalistki. Pavodle papiaredniaj infarmacyi, Ituma vyskačyła z akna šostaha haściničnaha paviercha.
Džułija Ituma — 18-hadovaja italjanskaja valejbalistka nihieryjskaha pachodžańnia. Jana pradstaŭlała Itałiju na ŭzroŭni junijorskich i moładzievych čempijanataŭ Jeŭropy. U 2022 hodzie Ituma pryznavałasia lepšym hulcom čempijanatu Jeŭropy siarod zbornych U19, jaki vyjhrała ŭ składzie italjanskaj kamandy.
Čytajcie taksama:
U žanočuju kamandu «Minsk» pierajšła kanadskaja futbalistka ź miljonam padpisčykaŭ u instahramie