Алейнік заявіў у Венгрыі, што лічыць вінаватымі ў вайне «ЗША і іх сатэлітаў»
Міністр замежных спраў Беларусі Сяргей Алейнік зрабіў заяву, якой пераклаў віну за вайну, што ўжо больш за год ідзе ва Украіну, з Расіі, якая яе развязала, на «ЗША і яе сатэлітаў». Зрабіў ён гэта на тэрыторыі краіны Еўрасаюза — Венгрыі, у якой знаходзіўся з працоўным візітам.
12.04.2023 / 20:21
«Мы не маглі сёння абыйсці ўвагай тэму Украіны, суседняй для абодвух нашых краін. І мы лічым складанымі і комплекснымі прычыны пачатку канфлікту.
Мы перакананыя ў тым, што сітуацыя справакаваная і раздзімаецца намаганнямі ЗША і іх сатэлітаў. Яны атрымліваюць ад гэтага прыбытак, дывідэнды і перавагі, а ўсе астатнія нясуць выдаткі. Беларусь і Венгрыя на баку міру»,
— заявіў Сяргей Алейнік па выніках праведзенага ў Будапешце пасяджэння беларуска-венгерскай міжурадавай камісіі па эканамічным супрацоўніцтве.
Венгрыя — найбольш прыязная да Масквы краіна Еўрасаюза, яе кіраўніцтва амаль заўсёды займае асаблівую пазіцыю ў дачыненні да пуцінскага і лукашэнкаўскага рэжымаў. Дзякуючы гэтай пазіцыі Еўрасаюз часта сутыкаецца з праблемамі пры ўвядзенні санкцый і іншых абмежаванняў супраць Расіі і Беларусі і зацвярджэнні пакетаў дапамогі Украіне.
Чытайце таксама:
Кіраўнік МЗС Беларусі прыляцеў з візітам у Венгрыю