Prapała pamiatnaja tablička z polskich vajskovych mohiłak u Varzianach na Astravieččynie
U Biełarusi zafiksavali jašče adzin akt vandalizmu na mohiłkach žaŭnieraŭ Armii Krajovaj. Z kamienia na nievialikich mohiłkach kala vioski Varziany Astravieckaha rajona źnikła pamiatnaja šylda, paviedamlaje Sajuz palakaŭ Biełarusi.
11.04.2023 / 22:05
Pamiatny kamień u Varzianach biez šyldy. Fota: glosznadniemna.pl
Na hetych mohiłkach pachavanyja 18 bajcoŭ 5-j Vilenskaj bryhady Armii Krajovaj, jakija zahinuli ŭ bitvie ź niamieckimi vojskami, jakaja adbyłasia kala hetaj vioski 31 studzienia 1944 hoda.
Pamiatny kamień u Varzianach jašče z šyldaj. Fota: glosznadniemna.pl
Pačynajučy ź minułaha hoda ŭ Biełarusi režym Łukašenki viadzie płanamiernaje źniščeńnie ci apahańvańnie pachavańniaŭ polskich žaŭnieraŭ časoŭ Druhoj suśvietnaj vajny ci polska-savieckaj vajny 1919-1920 hadoŭ. Viadoma pra padobnyja vypadki ŭ vioskach Bahdany, Babrovičy, Dyndyliški, Mikuliški, Kačyčy, Plabaniški, Surkonty, a taksama ŭ horadzie Iŭje.
Čytajcie taksama:
Paśla artykuła «SB» na Lidčynie paškodzili pomnik na mahile palakaŭ
Ułady razburyli jašče adny mohiłki žaŭnieraŭ Armii Krajovaj. Hetym razam — pad Hrodnam
U Voranaŭskim rajonie niščać mohiłki žaŭnieraŭ Armii Krajovaj