У Шуміліне трапіў пад цягнік пенсіянер на ровары
Пенсіянер быў смяротна траўмаваны цягніком у Шуміліне, паведамілі ў Следчым камітэце. Трагедыя адбылася сёння раніцай.
11.04.2023 / 16:57
Скрыншот з відэа
«На станцыі Шуміліна 66-гадовы мужчына з роварам пераходзіў чыгуначныя шляхі па пешаходным пераходзе перад «дызелем», які рухаўся. Нягледзячы на меры, што прымаліся машыністам, сутыкнення пазбегнуць не ўдалося», — гаворыцца ў паведамленні ў тэлеграм-канале СК.
Цягнік, паводле папярэдняй інфармацыі, наехаў на задняе кола ровара. У выніку пенсіянера адкінула на 12 метраў і ён памёр ад атрыманых траўмаў.
«Устаноўлена, што загінулы меў праблемы са слыхам: падчас агляду знойдзены слыхавы апарат», — адзначылі ў Слудчым камітэце.
Чытайце таксама:
Летась на чыгунцы загінула 60 чалавек