Na Biełaruskaj tavarnaj biržy ŭpieršyniu pradali trufieli
Na Biełaruskaj univiersalnaj tavarnaj biržy (BUTB) upieršyniu pradali partyju trufielaŭ. Ahulnaja suma čatyroch ździełak skłała 97 tys. rubloŭ, paviedamlaje Office Life sa spasyłkaj na pres-słužbu biržy.
11.04.2023 / 16:34
Fota ilustracyjnaje
U kampanii «Małočny śviet» Office Life pacvierdzili, što trufieli nabyli jany. A patrebna heta im dla vytvorčaści syroŭ. Raniej nieabchodnyja abjomy zakupki trufielaŭ byli mienšyja, tamu da pasłuh tavarnaj biržy nie źviartalisia. A ciapier uźnikła patreba.
U kampanii «Małočny śviet» jość premijalnaja liniejka syroŭ z trufielem, u tym liku syr «Krones» z čornym i biełym trufielami. Samo pradpryjemstva — adzin ź lidaraŭ małočnaj pramysłovaści Biełarusi z abjomam pierapracoŭki syraviny kala 530 tys. ton u hod, paznačana na sajcie pradpryjemstva. Dola ekspartu ŭ abjomie vytvorčaści ŭ 2021 hodzie skłała bolš za 70%.
Nabytaja partyja trufielaŭ — jeŭrapiejskaj vytvorčaści, ale pradaviec — rezident Biełarusi.
Čytajcie taksama:
U Biełarusi źniknuć papularnyja małočnyja brendy Activia i Actimel
Z čacviortaha razu pradali staruju panskuju siadzibu ŭ Hancavickim rajonie