Z terytoryi kolišniaha minskaha kaścioła Śviatoha Tamaša Akvinskaha źnikła achoŭnaja šylda
Z terytoryi kolišniaha kaścioła Śviatoha Tamaša Akvinskaha ŭ Minsku, što stajaŭ na rahu ciapierašnich Internacyjanalnaj i Enhielsa, źnikła achoŭnaja šylda, piša telehram-kanał «Spadčyna».
10.04.2023 / 20:16
«Kaścioł — adzin z tych ličanych stračanych pomnikaŭ historyi i architektury, jakija niejkim cudam usio ž taki byli ŭniesienyja ŭ Dziaržaŭny śpis jak historyka-kulturnyja kaštoŭnaści.
Jak padkazvajuć — šyldu źnieśli ŭzimku traktaram, ale ŭžo siaredzina viasny i jana dahetul nie viernuta na svajo miesca, jak taho patrabuje zakanadaŭstva», — pišuć u telehram-kanale.
Kaścioł Śviatoha Tamaša Akvinskaha — kolišni rymska-katalicki klaštarny kompleks u Minsku, jaki byŭ pabudavany ŭ pačatku XVII stahoddzia. Znachodziŭsia na Vysokim Rynku, zajmaŭ płošču kala 2 ha, abmiežavany vulicami Daminikanskaj, Vałockaj i Jurjeŭskaj (častka kvartała sučasnaha Pałaca Respubliki). Byŭ źniesieny savieckimi ŭładami ŭ 1950 hodzie.
Čytajcie taksama:
Pieršuju babrujskuju mazaiku mohuć zachavać. Ale heta nie dakładna
Źjaviłasia fota demantažu pomnika Hienijuš u Zelvie
U Viciebskaj vobłaści ŭ krasaviku pradajecca šeść abjektaŭ historyka-kulturnaj spadčyny