Пачалася праца над пятым мультфільмам пра Шрэка
Творчы партнёр DreamWorks Крыс Мелеандры паведаміў, што кінастудыя знаходзіцца на стадыі прадакшн пятай часткі мультфільма «Шрэк».
05.04.2023 / 07:54
У прыватнасці, студыя вядзе перамовы аб удзеле акцёраў агучкі з мінулых частак фільма — Майка Маерса, Кэмеран Дыяс і Эдзі Мэрфі — у новай частцы.
«Мы чакаем, што акцёры вернуцца. Перамовы пачынаюцца ўжо цяпер, і ўсе прыкметы таго, што мы атрымалі, кажуць аб тым, што акцёры з велізарным энтузіязмам чакаюць вяртання», — сказаў Мелеандры ў інтэрв'ю Variety.
Аднаўленне працы над новай часткай «Шрэка» звязана з поспехам мультфільма «Кот у ботах 2: Апошняе жаданне», які сабраў у пракаце амаль $500 млн. Афіцыйнай даты выхаду мультфільма пакуль няма.
Апошняя частка прыгод Шрэка выйшла ў 2010 годзе.
Можа з’явіцца серыял паводле кніг пра Гары Потэра
Да каранацыі Карла III апублікуюць новы раман пра Джэймса Бонда
94-гадовая жанчына без адукацыі прачытала 1658 кніг за сваё жыццё