Zatrymanaha ŭ Minsku Alaksieja Maskalova dahetul nie mohuć znajści
Rasijskaha hramadzianina Alaksieja Maskalova zatrymali ŭ Minsku ŭnačy 30 sakavika i z tych časoŭ pra jaho niama nijakich viestak, choć prajšoŭ amal tydzień, paviedamlaje OVD-Info.
04.04.2023 / 21:27
«Jaho vyciahnuli, pavieźli ŭ nieviadomym kirunku», — raspavioŭ advakat Dźmitryj Zachvataŭ, jaki padtrymlivaŭ sa svaim padabaronnym suviaź.
Advakatu Alaksieja Maskalova ad AUS-Infa Uładzimiru Biłijenku taksama nieviadoma, dzie znachodzicca jaho padabaronny. Dzie znachodzicca dačka Alaksieja Maša, nieviadoma taksama. Advakatu Biłijenku sustrecca z Mašaj nie dazvolili: u apošni jaho vizit jana nibyta była na vyjaznym kulinarnym konkursie.
6 krasavika ŭ Alaksieja Maskalova maje adbycca sud pa abmiežavańni baćkoŭskich pravoŭ. Jašče adnym adkazčykam budzie maci Mašy Volha Sitčychina. Na minułym tydni jana zajaviła, što hatovaja zabrać dziaŭčynku, choć nie bačyłasia ź joj bolš za siem hadoŭ. Advakat Uładzimir Biłijenka ŭpeŭnieny, što pieradača Mašy maci — heta inicyjatyva ŭładaŭ.
Čytajcie taksama:
MUS Biełarusi pacvierdziła zatrymańnie ŭ Minsku rasijanina Alaksieja Maskalova