1 krasavika čakajucca navalnicy, a z paniadziełka pachaładaje. I heta nie žart
Sinoptyki raskazali pra nadvorje ŭ pieršyja dni krasavika.
31.03.2023 / 13:48
U subotu, 1 krasavika, nadvorje ŭ Biełarusi buduć vyznačać atmasfiernyja franty, jakija pieramiaščajucca z Zachodniaj Jeŭropy.
Čakajecca vobłačnaje nadvorje. Na bolšaj častcy terytoryi krainy projduć daždžy, nočču pa paŭnočnym uschodzie Biełarusi z mokrym śnieham. U načnyja i ranišnija hadziny miescami budzie zhuščacca tuman.
Udzień u asobnych rajonach mahčymyja navalnicy.
Na ŭschodzie na asobnych učastkach daroh hałalodzica. Viecier paŭdniovy ŭmierany. Tempieratura pavietra minimalnaja nočču +1..+ 7°S, maksimalnaja dniom + 7..+13°C, na poŭdni — da +15°C.
U niadzielu na bolšaj častcy terytoryi krainy projduć apadki (doždž, mokry śnieh), ranicaj i dniom miescami čakajucca mocnyja daždžy. Na darohach hałalodzica. Viecier nočču niaŭstojlivy, dniom paryvisty. Nočču tempieratura składzie ad 0°C na poŭnačy da + 8°C pa paŭdniovym uschodzie krainy, maksimalnaja tempieratura dniom budzie ad +1°C na poŭnačy da +11°C pa poŭdni i paŭdniovym uschodzie.
U paniadziełak pachaładaje. Časam projduć apadki (śnieh, mokry śnieh, doždž). Taksama čakajecca hałalodzica. Viecier paŭnočny paryvisty. Nočču tempieratura budzie znachodzicca ŭ miežach ad -5°C na paŭnočnym zachadzie da +5°C na paŭdniovym uschodzie, maksimalnaja tempieratura dniom — -1..+ 6°S.