Deputaty ad Aŭstryjskaj partyi svabody vyjšli z zały parłamienta padčas vystupu Zialenskaha
Deputaty parłamienta Aŭstryi ad prava-papulisckaj Partyi svabody, viadomaj suviaziami z Kramlom, u čacvier demanstratyŭna vyjšli z zały padčas vystupu prezidenta Ukrainy Uładzimira Zialenskaha.
31.03.2023 / 07:56
Pierad vystupam Zialenskaha pa videasuviazi frakcyja Partyi svabody zajaviła, što jon parušaje niejtralitet Aŭstryi.
Aŭstryja, čyj niejtralny status byŭ zamacavany ŭ Kanstytucyi paśla Druhoj suśvietnaj vajny, nie dapamahaje Ukrainie zbrojaj i bojeprypasami, ale akazvaje humanitarnuju i finansavuju dapamohu.
U 2018 hodzie rasijski prezident Uładzimir Pucin pryjazdžaŭ na viasielle ministra zamiežnych spraŭ ad Partyi svabody Karyn Knajsl i tancavaŭ tam ź niaviestaj. Paźniej Knajsl atrymała miesca ŭ radzie dyrektaraŭ «Rasnafty».
U nastupnym hodzie Partyju svabody vyhnali z uradavaj kaalicyi praz skandał ź videazapisam, na jakim lidar partyi Chajnc-Kryścijan Štrachie ŭ razmovie z padstaŭnoj «plamieńnicaj kiraŭnika rasijskaj hazavaj kampanii» vykazaŭ hatoŭnaść dapamahčy rasijanam u atrymańni kantraktaŭ u Aŭstryi za vialiki ŭniosak u partyjnuju kasu.